“TOSHKENT SHAHAR DORI – DARMON” AJ aksiyadorlarining yillik umumiy yig’ilishini o’tkazish to’g’risida XABARNOMA

HURMATLI AKSIYADORLAR!

“TOSHKENT SHAHAR DORI – DARMON” AJ aksiyadorlariga ma’lum qiladiki,  Kuzatuv kengashi majlisining 2022 yil 06 iyundagi qaroriga muvofiq, 2022- yil 30- iyun kuni soat 15:00 da Toshkent shahri, Usta Shirin 1-berk ko’chasi, 84-uyda aksiyadorlarning yillik umumiy yig’ilishi bo’lib o’tadi.

Aksiyadorlar umumiy yig’ilishida ishtirok etish huquqiga ega aksiyadorlar ro’yxati 2022 yil 24 iyun holatiga tuziladi.

Elektron pochta manzili va veb-sayt: info@toshkentdd.uz,  www.toshkentdd.uz

KUN TARTIBI:

1. Jamiyat hisob komissiyasi a’zolari tarkibini va ularning vakolat muddatini tasdiqlash;
2. Jamiyat aksiyadorlarining yillik umumiy yig’ilishini o’tkazish reglamentini tasdiqlash;
3. Ijroiya organi rahbarining jamiyatning moliya – xo’jalik faoliyati yakunlari va rivojlanish strategiyasiga erishish bo’yicha ko’rilayotgan chora-tadbirlar to’g’risidagi hisobotini eshitish va tasdiqlash.
4. Jamiyat Kuzatuv Kengashining 2021 yilgi hisobotini eshitish;
5. Jamiyatning 2021 yil uchun yillik hisobotini, jamiyatning buxgalteriya balansi va daromad va zarar to’g’risidagi hisobotini tasdiqlash;
6. Jamiyat taftish komissiyasining 2021 yil uchun hisobotini eshitish;
7. “Nazorat Audit” MCHJ auditorlik kompaniyasining Jamiyatning 2021 yil moliya-xo’jalik faoliyatini tekshirishi yakunlari bo’yicha xulosasini tasdiqlash;
8. 2021 yil uchun jamiyatning daromadlari va zararlarini taqsimlash;
9. 2022 yil uchun jamiyatning tashqi auditorini va uning xizmatlari uchun eng yuqori to’lov miqdorini tasdiqlash;
10. “TOSHKENT SHAHAR DORI – DARMON” AJ Bosh direktorini qayta saylash.
11. Jamiyat Kuzatuv kengashi a’zolarini qayta saylash;
12. Jamiyat taftish komissiyasini bekor qilish.
13. Jamiyat Ustaviga o’zgartish va qo’shimchalar kiritish.
14. Jamiyat boshqaruv organlari to’g’risidagi nizomlarni yangi tahrirda tasdiqlash.
15. Jamiyatning joriy xo’jalik faoliyati bilan bog’liq “TOSHKENT SHAHAR DORI – DARMON” AJning affillangan shaxslari bilan bitimlar tuzishni ma’qullash to’g’risida.

Kun tartibiga taaluqli masalalar bo’yicha qo’shimcha ma’lumot uchun quyidagi manzilga murojaat qilishingiz mumkin: Toshkent shahri, Usta Shirin 1-berk ko’chasi, 84-uy, hamda +99871 228-04-30 telefon raqamlari orqali.

Yig’ilishda ishtirok etish uchun ro’yxatdan o’tish 2022 yil 30 iyun soat 14.00 da boshlanadi. Umumiy yig’ilishda ishtirok etish uchun ro’yxatdan o’tishda aksiyador o’zi bilan pasport yoki O’zbekiston Respublikasi qonunchiligiga muvofiq o’rnini bosuvchi boshqa hujjatga ega bo’lishi kerak.

Umumiy yig’ilishda ishtirok etish uchun ro’yxatdan o’tishda aksiyadorning vakili O’zbekiston Respublikasining amaldagi qonunchiligiga muvofiq pasport va tegishli rasmiylashtirilgan ishonchnomaga ega bo’lishi kerak.

Aksiyadorlar ushbu e’lon chop etilgan kundan boshlab aksiyadorlarning umumiy yig’ilishi o’tkaziladigan sanaga qadar aksiyadorlarning navbatdagi umumiy yig’ilishida ko’rib chiqilishi kerak bo’lgan materiallar bilan quyidagi manzilda tanishishlari mumkin: Toshkent shahri, Usta Shirin 1-berk ko’chasi, 84-uy, ish kunlari soat 10:00 dan 16:00 gacha.